Ffeiloffaith

Arfau

“Yn nyfnderoedd y gaeaf roeddent yn rhedeg o gwmpas heb ddim byd am eu coesau....Ni welais hwy erioed yn gwisgo arfwisg...... bwa, saethau a chleddyf oedd eu harfau. Roedd ganddynt waywffyn hefyd.” Arsyllwr Fflemeg gyda byddin Edward. O: The National Trust Book of British Castles: Paul Johnson 1978]

Datblygodd yr offer yn raddol ar gyfer ymosod ar gestyll i gynnwys bwa croes, hwrddbeiriant ar olwynion a pheiriannau taflu cerrig; defnyddiwyd y Petriaria i hyrddio creigiau anferth a defnyddiwyd y Balista neu'r Fagnel ar gyfer cerrig oedd oddeutu hanner canpwys. Datblygwyd Pentai ar gyfer amddiffyn dynion oedd yn taflu prysgwydd ac ar gyfer gwneud sarnau ar hyd ffosydd yn ogystal â thanseilio waliau'r castell neu i bentyrru hylosg yn erbyn rhannau pren o'r waliau. Roedd cloddio yn ffordd bwysig o danseilio rhannau o wal y castell ar gyfer mynediad. Byddai twnnel yn cael ei balu lle byddai pren yn ei gynnal a byddai tân yn cael ei gychwyn yn y twnnel fel bod ymsuddiant.